Путин дунёни ким бошқаришини айтди

Россия президенти Владимир Путин бутун дунёда фан ва технологиялар учун глобал рақобат тобора ўсиб бораётганини ва бунда ким биринчи бўлса, ўша дунёни бошқаришини маълум қилди.

«Бутун дунёда фан ва технологиялар учун глобал рақобат жадаллик билан ўсиб бораётганига гувоҳ бўляпмиз. Бу борада кимда-ким илдамлаб кетса, ўша бутун инсониятнинг кейинги тараққиётини белгилаб бериши муқаррар», — деди у фан ва таълим кенгашида.

Президент илмий ва технологик суверенитет Россиянинг ҳозирги ва келажакдаги масаласи эканлигини таъкидлади. Россияда илм-фан соҳасида етакчилар қаторида бўлиш учун ҳамма шароит бор, дея қўшимча қилди давлат раҳбари.