АҚШ учун муҳим кун: ким президент бўлади?

3 ноябрда АҚШ учун муҳим воқеа содир бўлади. Бу Оқ Уй раҳбарини сайлашдир. Кристофер Майкл Киллиза - «CNN» телеканалининг Америкадаги сиёсий шарҳловчиси – АҚШ сайловлари ҳақида ўзининг 5 та қарашини маълум қилди. Албатта булар, шахсий фаразлар ва сайлов ҳақидаги якуний хулосани англатмайди.  

Сенат ким учун муҳимроқ?

Президент Доналд Трампнинг иккинчи муддатда ғалаба қозониш умидлари жуда катта. У бу ҳақда ўзининг ҳар бир чиқишида бот-бот такрорламоқда. Бу ғалаба республикачилар учун Сенат устидан назоратни сақлаб қолиш ва шу билан 2021 йилги Демократик назоратдан қочиш учун олиб борилаётган курашга янада кўпроқ таъсир ўтказишга ёрдам беради.

Аксарият нейтрал сиёсий аналитиклар республикачиларни ушбу курашнинг мағлубиятли якунида кўришмоқда.

«Сенат учун кураш президентлик пойгасига қараганда анча рақобатбардош бўлса-да, демократлар, эҳтимол, 4-6 ўринни эгаллаб олишлари ва назоратни қўлга киритишлари мумкин», деб хулоса қилди сайловлар ичидаги сўнгги сонида. (Агар Жо Байден сайланса, кўпчиликни қўлга киритиш учун демократларга учта ўрин, агар Трамп қайта сайланса тўрт ўринга эга бўлиши керак).

«Бизнинг ютуқларимиз Демократлар учун 2 дан 7 гача бўлган ўринларда қолади ва бу республикачилар кўпчиликни сақлаб қолишга интилишини англатади», - деб ёзган «Cook Political Report» муҳаррири Жессика Тaйлор 29 октябрь куни.

«Умуман олганда, демократлар Сенатда ғолиб чиқишни кўпроқ маъқуллашади, аммо уларнинг Оқ уйда ғолиб чиқиш имкониятлари яхшироқдир», деб ёзган Виржиния университети вакили Кайл Кондик.

Агар президентлик пойгасида ижобий натижа бўлмаса, Сенатда кўпроқ ўрин эгаллаш учун курашга эътибор кучаяди.

Бу (ҳали ҳам) коронавирусга қарши сайлов

Президент Доналд Трампнинг коронавирусга қарши курашиш сиёсатининг сустлиги демократларнинг асосий қуролига айланди. Демократларнинг фикрига кўра, мамлакатнинг вирус ўчоғига айланиши Трамп маъмуриятининг нотўғри сиёсати билан боғлиқ.

Трамп вирусга қарши кураш ғояларини олға суришда давом этаётган бўлса ҳам, ҳатто унинг баъзи содиқ иттифоқчилари ҳам ишлар талаб қилганидек эмаслигини тан олишмоқда.

«Биз уни (коронавирус - таҳрир) мағлуб қилмадик. Менимча, барча шу фикрда», деди Флорида штатидан республикачи сенатор Рик Скотт CNN телеканали мухбири Жейк Тапперга. «Барчамиз ниқоб кийишимиз керак, ижтимоий масофа сақлашимиз керак... Бизда ҳали кўп ишлар қилиш керак ».

Трамп агар сешанба кунги сайловларда ғалаба қозона олмаса, бу унинг коронавирусга қарши олиб борган суст сиёсати билан ўлчанади.

Муддатидан олдин овоз бериш

2020 йилги сайловларда 91 миллиондан ортиқ бюллетенлар аллақачон берилган бўлиб, тўрт йил аввалги 58 миллион овоздан устун бўлиб, 2016 йилги танловда берилган овозларнинг деярли учдан икки қисмини (136,5 миллион) ташкил этди.

Техасда ҳам, Гавайида ҳам, 2016 йилдаги овоз беришдан кўра кўпроқ одамлар 2020 йилда овоз беришди. 35 та штат (ва Вашингтон DC) 2016 йилги сайлов бюллетенлари, шу жумладан «CNN»нинг энг рақобатбардош рейтингга эга бўлган 16 штатининг 13 тасининг ярмидан ўтиб кетди: Техас, Жоржия, Шимолий Каролина, Невада, Флорида, Аризона, Колорадо, Висконсин, Мен, Аёва, Мичиган, Миннесота ва Небраска.

Демократларнинг республикачиларга нисбатан муддатидан олдин овоз бериш эҳтимоли анча юқори эканлигини кўрсатадиган сўровномани ҳисобга олган ҳолда, овозларнинг жуда кўплиги собиқ вице-президент Жо Байденга сешанба кунигача овозлари сони бўйича етакчилик қилишини англатади.

Трампнинг имкониятларини эрта овоз беришда сўнг кўрган рақамларга тўғри келиши мумкинми деган савол туғилади. Эрта овоз бериш натижалари сешанба кунги асосий сайловлар натижалари билан умумлашмагунча аниқ бир хулосага келишимизга сабаб бўла олмайди.

АҚШда президент қандай сайланади?

Америка Қўшма Штатлари президенти ва вице-президентини сайлаш - бу билвосита сайлов бўлиб, унда АҚШнинг эллик штатидан бирида ёки Вашингтонда овоз бериш учун рўйхатдан ўтган Америка Қўшма Штатлари фуқаролари овоз беришади. Қўшма Штатларда «Electoral College» тизими бўлиб, Америка Қўшма Штатлари Конституциясида ҳар тўрт йилда бир марта Америка Қўшма Штатлари президенти ва вице-президентини сайлаш учун тузилиши шарт бўлган президент сайловчилар гуруҳини назарда тутади. Конституциянинг маълум моддаларида ҳар бир штат ўз қонун чиқарувчи органи томонидан белгиланадиган тарзда сайланган сайловчилари президентлик сайловларида иштирок этишини белгилайди. Ҳозирда 538 нафар сайловчи бор. Трамп ёки Байден сайловда ғалаба қозониш учун сайловчиларнинг мутлақ кўпчилик овози 270 ва ундан ортиқ овоз талаб қилинади.

Джо Байденнинг ғалаба сари йўли

Байден лагерида ишончли деб топилган 203 сайловчилар овозидан бошлашимиз мумкин. Ундан кейин унга Невада (6 сайловчи овози) ва Колорадо (9) ни қўшилса, 218 сайловчилар овози йиғилади. Мазкур штатларда демографик ҳолат Трампнинг консерватизмидан узоқроқ, деб ҳисобламоқда CNN сиёсий мухбири.

Энди Байден учун анъанавий Демократик штатларни - Миннесота (10), Мичиган (16) ва Висконсин (10) ни қўшиш мумкин. Трамп 2016 йилда Висконсин ва Мичиганда ғалаба қозонганлигини ҳам ёдда тутишимиз лозим. Трамп ушбу учликдан Миннесота штатида энг яхши ўринни эгаллаб турибди ва «Real Clear Politics» сўров натижаларига кўра, у Байденни деярли 5 очко ортда қолдирмоқда. Шундай қилиб, ҳозирча тахминан 254 сайловчининг овози Байден томонда.

Бу бизни Пенсилвания ва унинг 20 сайловчилар овозига олиб келади. Агар Байден ўзи туғилган штатда ғолиб чиқса, бу 274 сайловчининг овозини йиғади дегани. Бу эса Оқ Уй раҳбарлигига бўлган йўли Трампга қараганда енгилроқ эканлигини кўрсатиб беради.

Бундай сценарий Байденга Флорида, Жоржия, Техас, Аризона, Айова ва Огайо штатларидан айрилиб ҳам президент этиб сайланишига имкон беради.

Доналд Трампнинг ғалабага бўлган ягона йўли

Президент Трамп, шубҳасиз, сешанба кунги сайловларга унчалик кучсиз эмас. 270 сайловчилар овозини ва иккинчи муддатни қўлга киритадиган сайлов харитаси маълум даражада ишончли эканлигига урғу берилган.

Трампга ўзининг лагерида жойлашган, юқори текислик штатлари ва жанубда жойлашган 125 сайловчилар овозини олайлик. Унга президентлик даражасида анъанавий равишда республикачиларни ёқлаб келган штатдан сайловчиларнинг овозларини қўшамиз: Техас (38 сайловчилар овози), Жоржия (16), Огаё (18) ва Аризона (11). Бу Трумпни 208 сайловчилар овозига эга қилади.

Тахминан бир аср ичида бирон бир республикачи Оқ Уйга Флоридани ютмасдан эга чиқмаган ва Трамп ғалаба қозониши учун унга Sunshine State ва унинг 29 сайловчилар овози ҳам керак. Бу Трампни жами 237 га етказади.

Сўровномалар Аёва (6) ва Шимолий Каролина (15) бир-бирига жуда яқинлигини кўрсатган бўлса-да, Трамп иккаласини ҳам 2016 йилда ютган. Бу 258 сайловчилар овози йиғилди дегани.

Барчаси Пенсилвания штати билан боғланиб қолади. Пенсилвания штатидаги сўров натижалари Байденда пастроқ, аммо ушбу штат Байденнинг туғилган ери ҳисобланади. Агар Трамп иккинчи муддатга сайланишни истаса, Пенсилванияда ғалаба қозониши шарт. Шунда Трамп 278 сайловчилар овози билан иккинчи муддатга сайланади.