Forbes Uzbekistan ўз фаолиятини тўхтатди

2020-10-17 23:55 1 443

Forbes Uzbekistan ўз фаолиятини тўхтатди. Spot’нинг маълум қилишича, сайт ва унинг ижтимоий тармоқлардаги аккаунтлари август охирларида янгиланишдан тўхтаган, сентябрда эса штат тарқатиб юборилган.

Маълумотларга кўра, Forbes Uzbekistan таҳририяти ўз ҳамкорларини сентябрь бошида электрон ва босма нашрлари иши музлатилгани тўғрисида хабардор қилган. Бироқ ҳозирча бу борада расмий маълумот йўқ.

Forbes Kazakhstan нашрига эгалик қилувчи қозоқ бизнесмени Арманжан Байтасовга тегишли компания Ўзбекистондаги фаолиятини қайта тиклаши мумкин, чунки мазкур ҳуқуқ ва Forbes Uzbekistan ҳамон унга тегишли.

Ўзбекистонда Forbes журнали жоп этилиши тўғрисида 2019 йилнинг декабрида маълум бўлганди. 2020 йилнинг мартида эса «Forbes.uz» электрон версияси иш бошлаган.

Арманжан Байтасовнинг сўзларига кўра, босма нашрни апрель ойида чиқариш режалаштирилган, бироқ бунга коронавирус пандемияси халақит бериб қолган. Кейинроқ нашрнинг илк сонини чоп этиш ёзга кўчирилган. Аммо Forbes Uzbekistan’нинг босма версияси ёзда ҳам чиқмади. Лойиҳанинг музлатилишига молиялаштириш масалалари сабаб бўлгани айтилмоқда.

2020-10-17 23:55 1 443