18 январь куни бош вазир Абдулла Арипов Ўзбекистон Либерал-демократик партияси (ЎзЛиДеП) сиёсий кенгашининг йиғилишида сўзлаган нутқида 2025 йилга келиб Ўзбекистон табиий газ экспортини тўхтатиши мумкинлигини билдирди. Бу ҳақда Кун.уз мухбири хабар бермоқда.
«2025 йилга келиб, Ўзбекистон табиий газ экспортини ва уни тўлиқ қайта ишлашни тўхтатиш, шунингдек қўшилган қийматли маҳсулотлар ишлаб чиқаришни кенгайтириш чораларини кўради», деди ҳукумат раҳбари.
Абдулла Арипов, шунингдек, муқобил энергия манбаларидан кенг фойдаланишга алоҳида эътибор қаратилишини таъкидлади.
Бундан ташқари, у жорий йил охиригача барча истеъмолчилар учун электрон газ ва электр ҳисоблагичлари ўрнатилиши ҳақида гапирди.
«Бу энергия сарфини камайтиради ва тўловларни ҳисоблаш билан боғлиқ муаммоларнинг олдини олади», - деди бош вазир.
Маълум қилинишича, 2030 йилда Ўзбекистонда электр энергияси ишлаб чиқариш қарийб 2 баравар, нефть маҳсулотлари ишлаб чиқариш 1,8 баравар, табиий газ ишлаб чиқариш 1,2 баравар ва кўмир ишлаб чиқариш 3,3 баравар оширилиши режалаштирилмоқда.
manba: kun.uz
Тасодифий хабарлар
Энди йўллардаги айрим қоидабузарликларга жарима ёзилмайди
Россия кутубхоналари бирдан Трампнинг китобларини сотиб олишни бошлади
Фарғона марказий деҳқон бозоридаги янги йил арчаси ёниб кетганлиги тасдиқланди
Малайзияда ўзбекистонлик фуқаро одам савдоси қурбонига айлангани аниқланди
Бугундан ҳаво илий бошлайди