Маълумотлар узатишнинг замонавий технологияларини фаол жорий этиш, кенг полосали уланишнинг оптик тармоқларини ривожлантириш ва мобил алоқа тармоғини модернизация қилиш учун қулай шарт-шароитларни таъминлаш мақсадида Ўзбекистон Хитой давлат тараққиёт банкидан 5 йил муддатга 40 миллион доллар миқдорида қарз олади.
Вазирлар Маҳкамаси қарори лойиҳасига кўра, ушбу маблағлар инвестиция лойиҳалари доирасида «Ўзбектелеком» АК томонидан тузиладиган, технологик ускуналар, дастурий таъминот ҳамда хизматлар кўрсатишни етказиб бериш учун импорт шартномалари қийматининг 100 фоизини тўлашга сарфланади.
Хитой давлат тараққиёт банки кредитини тўлаш билан боғлиқ харажатлар, шунингдек, фоизлар, комиссиялар ва улар бўйича бошқа харажатлар «Ўзбектелеком» АКнинг шахсий маблағлари ҳисобидан қопланади.
Ҳужжатда «5G технологиясини жорий этиш истиқболи билан телекоммуникация тармоқларини ривожлантириш», «Маълумотларни сақлаш ва қайта ишлаш марказини кенгайтириш» ҳамда «Интернетга кенг полосали уланиш бўйича симсиз технологияларни жорий этиш» каби лойиҳалар ҳам назарда тутилган.
Тасодифий хабарлар
Президентлар саммитдан аввал жума намозини адо этади – ОАВ
Коррупция жиноятлари ҳақида хабар қилганларга бир марталик пул мукофоти берилади
Turkish Airlines “Истанбул-Бухоро” парвозларни йўлга қўйди
Ҳасанбой Дўсматов испаниялик боксчига қарши жанг қилади
Тошкент вилоятида Telegram`да террорчиликни тарғиб қилган шахслар ушланди