Тошкент шаҳри Юнусобод туманида бир гуруҳ шахслар ўзаро жанжаллашиши оқибатида 2 киши вафот этди, дея хабар бермоқда Бош прокуратура.
Қайд этилишича, 2020 йил 20 сентябрь куни соат 06:00 ларда Юнусобод тумани, Амир Темур кўчасида жойлашган тунги клубдан чиққан шахслар кўчада турган бошқа бир гуруҳ шахслар билан ўзаро жанжаллашган.
Жанжал вақтида фуқаро С.Х. ёнида бўлган пичоқ билан 4 нафар шахсга бир неча маротаба тан жароҳатлари етказиб, ҳодиса жойидан яширинган.
Оқибатда 2 нафар шахс вафот этган, қолган 2 нафарининг ҳаёти сақлаб қолинган.
Мазкур ҳолат юзасидан шу куни Тошкент шаҳар прокуратураси томонидан С.Х.га нисбатан Жиноят кодексининг 97-моддаси 2-қисми «а», «л» бандлари (безорилик оқибатида икки ёки ундан ортиқ шахсни ўлдириш), 25,97-моддаси 2-қисми «а», «л» бандлари билан жиноят иши қўзғатилган.
С.Х. процессуал тартибда ушланган. Ҳозирда ҳолат юзасидан тергов ҳаракатлари олиб борилмоқда.
Тасодифий хабарлар
11 синф ўқувчиси синфдошини пичоқлаб қўйди
Депутат ИИВ ташаббуси ҳақида: "Шахсан мен тиш-тирноғим билан бунга қаршиман ва барча ҳамкасбларимни бунга чақираман" (парда масаласи)
Салом Қозоғистон! “Uzbekistan Airways” 15 январдан Олма-отага парвозларни йўлга қўймоқчи
Ана холос! Имом тасодифан эркак кишига уйланди, кейин...
Фарғонада тез тиббий ёрдам ходимлари калтакланди