Юртимизда яна бир тақиқ жорий этилиши кутилмоқда

Ўзбекистонда розилик олмай туриб бировнинг суратидан фойдаланиш тақиқланиши мумкин. Фуқаролик кодексининг янги таҳрири лойиҳасига шундай банд киритилган.

“Фуқаро тасвири қонунан ҳимояланади. Кимдир бир фуқаронинг расми ёки тасвиридан фойдаланмоқчи бўлса, унинг розилиги кераклиги белгилаб қўйилади”, – деди Адлия вазирлиги ҳузуридаги Ҳуқуқий сиёсат тадқиқот институти директори Аъзам Мадаминов.

Унинг қўшимча қилишича, айрим ҳолларда – қидирув ёки оммавий тадбирлар билан боғлиқ ҳолатларда фуқаронинг расмидан унинг розилигисиз фойдаланиш бўйича истиснолар белгилаб қўйилади.

Манба: Effect.uz