Наманганлик аёлнинг яна 6 кишига коронавирус юқтиргани маълум бўлди

2020-03-29 20:06 1 257

Олдинроқ Ўзбекистонда коронавирусга чалинганлар сони 29 тага кўпайгани ҳақида хабар бергандик.

Наманган вилояти ҳокимлиги хабарига кўра, булардан 6 киши наманганлик. Яъни Наманганда яна 6 та коронавирус ҳолати аниқланган.

Ёдингизда бўлса, олдинроқ Умрага бориб келган наманганлик аёл коронавирусга чалинган ва онасига юқтирганди. Онаси эса 72 ёшида сурункали касаллиги туфайли вафот этганди.

Маълумотларга кўра, айнан шу наманганлик аёл синглиси, синглисининг келини, акаси, акасининг хотини, жияни ва тиббий патронаж ҳамширасига ҳам коронавирус юқтирган.

2020-03-29 20:06 1 257