Тайвань компанияси Саудия Арабистонида микрочип ишлаб чиқармоқчи

2022-03-15 19:38 1 063

Тайвань компанияси Саудия Арабистонида микрочип ишлаб чиқармоқчи.

Лойиҳа қиймати 9 миллиард доллар. Тайваннинг Hon Hai Precision Industry Co. (Foxconn Technology) электроника компанияси Саудия Арабистонида завод қурмоқчи. Бу ҳақда Dow Jones хабар берди.

Ушбу заводда микрочиплар, электромобил учун эҳтиёт қисмлари ва бошқа электроника маҳсулотлари ишлаб чиқарилади. Лойиҳа қиймати 9 миллиард долларга баҳоланмоқда.

Бу бўйича музокаралар ўтган йили бошланган. Компания Саудия Арабистонида лойиҳани амалга ошириш орқали маълум имтиёзлар, хусусан, солиқ “таътиллари”, электр ва сув таъминотига субсидия олишни мўлжалламоқда. Dow Jones маълумотларига кўра, Foxconn БААда ҳам завод қуриш имкониятини кўриб чиқмоқда.

2022-03-15 19:38 1 063