Коронавирус сабаб Ўзбекистондаги барча мактаблар, боғчалар ва ОТМлар карантинга ёпилади

Ўзбекистонда барча мактабгача таълим муассаалари, мактаблар ва олий таълим муассасалари коронавирус тарқалишига қарши профилактика мақсадида 16 мартдан эътиборан карантинга ёпилади.

Бу ҳақда 15 март куни Ўзбекистон бош вазири Абдулла Арипов иштирокидаги йиғилишда маълум қилинган. Манбаларнинг таъкидлашича, таълим муассасаларидаги карантин уч ҳафтагача давом этиши мумкин.

Аввалроқ, 15 март куни Ўзбекистонда коронавирусга чалинган илк бемор аниқлангани, у Тошкентда истиқомат қилувчи аёл экани, 11 март куни Франциядан қайтгани ҳақида хабар берилган эди.

Сўнгги маълумотларга кўра, бемор аёлнинг барча оила аъзолари тиббий кузатувга олинган, шунингдек, у билан бирга бир рейсда учиб келган 48 йўловчи ва 9 нафар экипаж аъзосини ҳам назоратга олинмоқда.