Ўзбекистон Ички ишлар вазирлигида 17 январь куни вазир Пўлат Бобожоновнинг АҚШ элчиси Даниэль Розенблюм билан учрашуви бўлиб ўтди, дея хабар бермоқда вазирлик матбуот хизмати.
Учрашув чоғида тарафлар ўзаро ҳамкорликка доир масалаларни муҳокама этиб, Ўзбекистон экспертларининг АҚШга танишув ташрифини ташкил этиш борасида келишиб олган.
«Бу каби ташрифлардан кўзланган мақсад АҚШнинг ҳуқуқ-тартиботни сақлаш, уюшган жиноятчиликка қарши кураш, одам савдоси билан боғлиқ жиноятларни очиш борасидаги иш услубини ўрганишдан иборат бўлиб, эксперт-криминалистик бўлинмалари учун кадрларни тайёрлаш, соҳани замонавий жихозлар билан таъминлашга кўмаклашиш каби масалаларни ҳал этишдир», — дейилади вазирлик ахборотида.
Учрашув якунларига кўра, элчи Розенблюм Америка дипломатик миссияси номидан Ўзбекистон ИИВ билан ҳамкорликни ривожлантиришга ўз ҳиссасини қўшишини таъкидлаб ўтган.
Тасодифий хабарлар
Лицензияси бекор қилинган нодавлат ОТМ талабалари тегишли тартибда бошқа олий таълим ташкилотига кўчирилади
Шомуродовнинг трансфер баҳосидан уч баробар арзон жамоа. Ўзбекистон – Сингапур ўйини превьюси
«Ўзрепорт» ходимига тажовуз қилинди. ИИБ ходими асл ҳолатни яширди (видео)
Аёл кишига қўл кўтарган «военком» сувдан қуруқ чиқди
«Қорақалпоғистонда элни севган, билимли, фидойи ёшлар кўп» – Мирзиёев