Telegram асосчиси Павел Дуров кеча баъзи мамлакатларда ушбу мессенжер фаолиятида узилишлар бўлгани учун ўзининг расмий каналида узр сўради:
"Telegram’нинг кунлик фаол фойдаланувчилари (DAU – Daily active users) сони ҳар йили 50%га ўсиб боряпти. Афсуски, бу ғайриоддий ўсиш ҳозиргача муайян муаммолар билан кечяпти.
Кеча Гринвич вақти (GMT) билан соат 13 дан 14 гача (Тошкент вақти билан 18 дан 19 гача) шу вақтда тармоқда бўлган фойдаланувчиларнинг 15%и Telegram’га уланишда муаммоларга дуч келди. Бу узилиш асосан Германия, Ироқ, Ўзбекистон, Россия, Украина, Қозоғистон ва Беларусдан кирадиган фойдаланувчиларга таъсир қилди.
Биз шу соат давомида ўз вақтида етказиб берилмаган ҳар бир жўнатилган хабар учун узр сўраймиз. Биз ўз платформамизни имкон қадар ишончли қилишга интиляпмиз. Айни вақтда биз барқарорлигимизга салбий таъсир қилиш учун уюштириладиган (масалан, шу йил июнда Хитойнинг DdoS ҳужумлари каби) ҳужумларга қарамай, Telegram йилдан-йилга бундай муаммоларга камроқ учраётганидан фахрланамиз".
Аммо Дуров кечаги муаммонинг сабабини изоҳламаган.
Тасодифий хабарлар
9 нафар ҳоким ишдан олиниши мумкин
Ўзбекистонда коронавирус май ойида бутунлай тугаши прогноз қилинди
“Шаҳарлар қулайлиги” индексини жорий қилиш концепцияси ишлаб чиқилади
Екатеринбургдаги ўзбеклар рус шоуменининг "Эшак" ресторанини бузмоқчи бўлишди
Шифохона биносидан ўзини ташлаб ҳалок бўлган эркак — Бош прокуратура тафсилотларни очиқлади