Туркманистон президенти Гурбангули Бердимуҳамедовнинг ўлими ҳақидаги маълумотлар тасдиқланмади. Бу ҳақда Евросиё муаммолари мониторинг маркази директори Аслан Рубаев Facebook‘даги аккаунтида пост қолдирган.
Унинг айтишича, олдинроқ олинган маълумотлар ўша манбанинг ўзи томонидан инкор этилган.
«Гурбангули Бердимуҳамедовнинг ўлими ҳақидаги маълумотлар тасдиқланмаганидан жуда мамнунман. Президентнинг қариндошлари ва яқинлари, шунингдек, Туркманистоннинг барча фуқароларидан узр сўрайман», — деб ёзган Рубаев.
Эслатиб ўтамиз, Туркманистон президенти Гурбангули Бердимуҳамедовнинг вафот этгани ҳақида «Говорит Москва» Евросиё муаммолари мониторинг маркази директори Аслан Рубаевга таяниб хабар берган эди. Унинг сўзларига кўра, Туркманистон президентининг ўлими ҳақида Ашхободда ишлайдиган бизнесменлар маълум қилган.
Тасодифий хабарлар
Суд ва ёшлар учрашуви бўлиб ўтди
Фарғона водийсида қишлоқ тадбиркорлиги ривожлантирилади – Президент қарори
«Ўзгидромет» тезкор ахборот эълон қилди
Ўзбекистон асосан қайси давлатлардан енгил автомобил импорт қилган?
Исроилда шифокорлар боланинг узулиб кетган бошини қайта тиклади