Бироз аввал, “Ўзбекконцерт” давлат муассасасида навбатдан ташқари йиғилиш ўтказилаётгани ҳақида хабар берилган эди.
Директор Одилжон Абдуқаҳҳоров раислигида ўтаётган мажлисда хонанда Жаҳонгир Отажоновнинг жорий йилнинг 14 октябрь куни олиб қўйилган лицензияси қайтарилди. Бу ҳақда йиғилишда бўлиб турган “QALAMPIR.UZ” мухбири хабар бермоқда.
Жорий йилнинг 9 октябрь куни “Ўзбекистон” телеканали орқали эфирга узатилган “Муносабат” ток-шоусида Ўзбекистон Республикаси Олий Мажлиси Қонунчилик палатаси ва Сенати Кенгашларининг 2019 йил 14 сентябрь куни “Тўйлар, оилавий тантаналар, маърака ва маросимлар ўтказилишини тартибга солиш тизимини янада такомиллаштириш тўғрисида”ги қўшма қарори ижроси муҳокамаси давомида студия мониторида тўйлардан олинган айрим лавҳалар муҳокама қилинди. Бу лавҳада хонанда Жаҳонгир Отажонов билан боғлиқ тасвирлар ҳам акс этиб, иштирокчилар бунга салбий муносабатларини билдиришди.
Шундан сўнг, хонанда Жаҳонгир Отажонов ижтимоий тармоқ орқали чиқиш қилиб, “Олларинг мани лицензиямни, маза қилларинг, агар шу билан маданиятли бўлсаларинг. Ман хурсанд бўламан... халқ маданиятли бўлиб кетиб қолса шу билан...” қабилида турли фикрлар билдирди. Орадан кўп ўтмай, “Ўзбекконцерт” Жаҳонгир Отажоновни лицензиясидан маҳрум этганди.
Дарвоқе, йиғилишда хонанданинг ўзи иштирок этмаган. Qalampir.uz Tahririyati
Тасодифий хабарлар
Трамп ёлғон гапирган. АҚШ базасига ҳужумнинг янги тафсилоти маълум бўлди
Ҳафта охирида Ўзбекистонда ҳаво илиқ бўлиши кутилмоқда
Президент топшириғи билан Хитойдан зарур тиббий техника ва ҳимоя воситалари олиб келинди
Ўзбекистонда йил давомида 1 трлн 500 млн сўмлик газ ва электр энергияси талон-торож қилинди
Фожиа! Таниқли ўзбек актрисаси аварияда ҳалок бўлди