Ички ишлар вазирлиги томонидан маълум қилинишича, «UzAuto Motors» компаниясининг Ички ишлар вазирлигига йўллаган мурожаати юзасидан Вазирлик ҳузуридаги Тергов департаменти томонидан «Avto oltimish oy» масъулияти чекланган жамиятининг мансабдор шахслари ва бошқаларга нисбатан Ўзбекистон Республикаси Жиноят кодексининг 188-1-моддаси 1-қисми, яъни пул маблағларини ва бошқа мол-мулкни жалб этишга доир ноқонуний фаолиятини текшириш мақсадида жиноят иши қўзғатилган.
Жиноят иши юзасидан олиб борилаётган дастлабки тергов ҳаракатлари давомида фуқароларнинг мол-мулкини жиноий тажовуздан ҳимоялаш ва «Avto oltimish oy» масъулияти чекланган жамиятининг фаолияти шаффофлигини ўрганиш мақсадида, молия-хўжалик фаолияти ҳужжатли тафтишни ўтказиш йўли билан текширилади.
Айни вақтда, «Avto oltimish oy» масъулияти чекланган жамиятининг бош офиси ва вилоятлардаги филиалларида мавжуд бухгалтерия ҳужжатларини аниқлаб олиш мақсадида, тергов гуруҳлари томонидан тинтув тергов ҳаракатлари ўтказилмоқда.
Шу билан бирга, таъкидлаш жоизки, тадбиркорлик субъектининг назорат кирим-чиқим операциялари назоратга олинади, лекин фаолияти тўхтатиб қўйилмайди.
Тафтиш якунига кўра, мазкур жамият мансабдор шахслари ва бошқаларнинг ҳаракатларига ҳуқуқий баҳо берилиб, жиноят иши бўйича якуний қарор қабул қилинади.
Тасодифий хабарлар
Ўзбекистон мусулмонлари идораси раиси, муфтий Усмонхон АЛИМОВ Матбуот ва оммавий ахборот воситалари ходимларини байрам билан табриклади
Путин президентлик сайловларида яна иштирок этиши мумкин
Тошкент–Наманган автомобиль йўлида интеллектуал транспорт тизими жорий этилади
ОТМга кириш имтиҳонлари 3 сменада бўлиб ўтиши маълум қилинди
Наманган – Жанубий Корея: спорт соҳасида келишувлар