Ўзбекистон дунё мамлакатларидаги интернет тезлиги бўйича жаҳон рейтингида 103 давлат орасида 71-поғонада қайд этилди. Бу “Speedtest Global Index”нинг 2025 йил июнь ойидаги маълумотларида келтирилган.
Маълум қилинишича, Ўзбекистонда мобил интернетнинг ўртача тезлиги 55,78 Мбит/секундни ташкил этган. “Speedtest Global Index” маълумотларига кўра, Қозоғистон мобил интернетнинг ўртача тезлиги бўйича МДҲ мамлакатлари орасида биринчи, Ўзбекистон эса 3-ўринни эгаллаган.
Мобил интернетнинг ўртача тезлиги бўйича дунё рейтингида БАА 546,14 Мбит/секунд кўрсаткич билан биринчи ўринда қайд этилган. Ундан кейинг ўринда 517,44 Мбит/секунд билан Қатар, 378,45 Мбит/секунд кўрсаткич билан Қувайт учинчи поғонадан жой олган.
Кучли ўнликда Баҳрайн (236,77 Мбит/с), Бразилия (228,89 Мбит/с), Болгария (224,46 Мбит/с), Жанубий Корея (218,06 Мбит/с), Хитой (201,67 Мбит/с), Саудия Арабистони (198,39 Мбит/с) ҳамда Дания (196,27 Мбит/с) жойлашган.
Рейтингнинг энг қуйи поғонасида Эсватини 18,36 Мбит/секунд билан 101-поғонада, Беларусь 17,97 Мбит/секунд билан 102-ўринда ҳамда Боливия 13,192 Мбит/секунд билан 103-ўринда қайд қилинган.
Тасодифий хабарлар
Исроил Ғазода ёрдам кутаётган одамларга қарата ўт очди
Наманганда илк бор Минск шаҳрига чартер рейс амалга оширилди
Жапаров Қатарга шахсий самолётда боргани учун танқид қилинди
Хорижда вақтинча ишлаётган Ўзбекистон фуқаролари ва уларнинг оиласи қўллаб-қувватланади
Тошкентда боғчалардан бири карантинга ёпилди