Хитой компанияси Наманганда чиқиндидан электр энергияси ишлаб чиқармоқчи

Хитойнинг “NORINCO International Cooperation Ltd” компанияси вакиллари Наманган вилоятига келди. Меҳмонларни вилоят ҳокими қабул қилган.

Ўзаро мулоқотда Наманганда чиқиндини қайта ишлаб, ундан электр энергияси олишни йўлга қўйиш юзасидан фикр-мулоҳазалар алмашилди.

Айни вақтда компания вакиллари ҳудудларга чиқиб, вилоятдаги мавжуд имконият ва шароитлар билан танишмоқда. Ўрганишлар якуни бўйича маъқул келган йўналишларда ҳамкорлик ўрнатиш мақсад қилинган.