Байден Украинани Путинга бериб юбормоқчи, аммо мен бундай қилмайман — Дональд Трамп

Собиқ президент бу ҳақда Жанубий Каролина штатидаги сайловолди ташвиқоти чоғида нутқида айтиб ўтди.

"Президент Байден даврида Путин ўзи хоҳлаган ҳамма нарсага, жумладан, Украинага ҳам эга бўлмоқда. Мен эса бунга йўл қўймайман", — дея Тhe New York Times Трампнинг нутқидан иқтибос келтиради.

Трампнинг сўзларига кўра, у Украинани ҳимоя қилиш учун Байдендан кўра кўпроқ иш қилиши мумкин.

Бир кун олдин Путин Байден Россия учун Трампдан кўра фойдалироқ эканини, чунки унинг ҳаракатларини олдиндан таҳмин қилиш мумкинлигини айтганди.