Эквадорнинг Гуаякиль шаҳар шифохонасида қариндошлари бир ой олдин ўлди деб ўйлаган 74 ёшли аёл ҳушига келди, деб ёзади маҳаллий «Comercio» газетаси.
27 март куни Гуаякиль шифохонасида вафот этган деб ҳисобланган Альба Марури Гранда пайшанба куни ҳушига келиб, синглисидан уйига олиб кетишини сўраган.
Грандани ўлди деб тан олишларидан олдин унинг тана ҳарорати 42 даражагача кўтарилган, нафас олиши қийинлашган. Шифокорлар беморларнинг исмини адаштириб, оиласига нотўғри маълумот берганда аёл ҳушсиз бўлган.
Саккиз кундан сўнг қариндошлари «Гранда»ни куйдиришган. Оила Эквадорда коронавирус туфайли фавқулодда ҳолат бекор қилиниб, дафн этиш маросимларини ўтказишга рухсат беришини кутиб қарийб бир ой бегона одамнинг кулига тикилиб ўтиришган.
Энди қариндошлари шифохонадан дафн маросими ва кремацияга сарфланган икки минг долларни ундиришни талаб қилмоқда.
Маълумотларга кўра, Эквадорда 22 179 киши коронавирусга чалинган, 576 киши вафот этган.
Тасодифий хабарлар
Дастлабки 7 соат ичида 10 млндан ортиқ одам Threads-га уланди
Тошкентда ОИВга чалинганини билиб туриб, 16 ёшли қиз билан жинсий алоқада бўлган мактаб ўқувчисига жиноий иш очилди
Истанбулда самолёт қаттиқ қўниши оқибатида Ўзбекистон фуқароси ҳам жароҳатланди
Одил Aҳмедов янги жамоада тўп суради
Айрим маҳалла ходимларининг ойлиги оширилади