Ташқи меҳнат миграцияси агентлиги Россия ва Украина ҳудудларида бўлиб турган Ўзбекистон фуқароларини огоҳликка чақирди. Бу ҳақда агентликнинг ижтимоий тармоқлардаги саҳифаларида хабар берилди.
Маълумки, сўнгги кунларда Россия ва Украина ўртасидаги ҳарбий ҳаракатлар ҳамда ушбу давлатлар билан боғлиқ турли хабарлар тарқалмоқда. Шу муносабат билан, Ташқи меҳнат миграцияси агентлиги Россия ҳудудида вақтинча меҳнат фаолиятини амалга ошираётган Ўзбекистон фуқароларидан Россия ва Украина ўртасидаги зиддиятли ҳудудларга ишлаш мақсадида бормасликни, ҳарбий ҳаракатларда иштирок этмасликни сўраган.
Шунингдек, агентлик Ўзбекистон Республикаси Жиноят кодексининг 154 прим 1-моддасида чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга ёлланиш 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан жазоланиши кўзда тутилганини қўшимча қилган.
Эслатиб ўтамиз, олдинроқ Россиянинг Санкт-Петербург шаҳридаги сабзавот омборида ишлаётган юз нафарга яқин Россия паспортига эга муҳожирлар ҳарбий рўйхатга олиш идораси (военкомат)га олиб кетилганди.
Тасодифий хабарлар
Жаҳонгир Ортиқхўжаев TikTok ва Twitter блокланишига муносабат билдирди
Ниқобга спирт суртса, коронавирус юқмаслиги ростми?
ДХХ Чегара қўшинлари бошқа бировнинг паспорти билан Ўзбекистонга киришга уринган Афғонистон ва Тожикистон фуқароларини ушлади
Демак, афсона! Олимлар Лох-Несс махлуқининг мавжудлиги борасида ҳеч қандай далил топа олишмади
Россия Украина арсеналини йўқ қилди