Ўзбекистонда муаммоли кредитлар ҳажми 10 фоизга ошди

Ўзбекистон банкларидаги муаммоли кредитларнинг умумий ҳажми ой давомида 10 фоизга ошди. Бундай статистик маълумотлар Республика Марказий банки томонидан эълон қилинди, дея ёзмоқда Курсив.

1-август ҳолатига кўра, Ўзбекистон Республикаси молия институтларидаги муаммоли кредитлар ҳажми 15,7 триллион сўмдан ошди. Бир ой олдин бу кўрсаткич 1,44 триллион сўмга кам – 14,3 триллион сўмни ташкил қилган эди.

Бу ўсишнинг асосий «айбдори» Ипотека-банк бўлиб, у НПЛ миқдорини деярли икки баробарга оширди (1,06 дан 2,08 триллион сўмгача). Мутлақ кўрсаткичларда ўсиш бўйича Асакабанк иккинчи ўринда (+193 млрд.). Учинчи ўринни Миллий банк ва СҚБ (+87 млрд) бўлишди.

Умидсиз кредитлар миқдорининг кескин ошиши натижасида уларнинг банкларнинг кредит портфелидаги улуши 3,4 фоиздан 3,7 фоизгача ошди. Ишламайдиган кредитларнинг энг катта улуши ҳамон «Равнакбанк» ва «Ўзагроекспортбанк»га тегишли – мос равишда 80,5% ва 96,9%.