Путин Афғонистонга чегарадош давлатларни хавфдан огоҳлантирди. Афғонистондаги террорчиларнинг чегарадош давлатлар учун хатарли режалари бўлиши мумкин. Бу ҳақда Россия президенти Владимир Путин МДҲ давлатлари хавфсизлик идоралари ва махсус хизматлари раҳбарлари билан учрашувда айтиб ўтди. Путин бундай жиноий режалар ва уринишларга ўз вақтида жавоб бериш, жумладан, МДҲ аксилтеррор маркази салоҳиятидан фойдаланиш кераклигини таъкидлади.
Агар уларга чек қўйилмаса, Афғонистоннинг шимолий қўшниларидаги вазият ҳам ёмонлашиши мумкин. Путин Афғонистондаги террорчилар фаоллигининг тасдиғи сифатида 5 сентябрь куни Россиянинг Кобулдаги элчихонаси яқинида содир этилган терактни келтирган. Эслатиб ўтамиз, аввалроқ Толибон Путинникига ўхшаш огоҳлантиришларга жавобан Афғонистонда битта ҳам террорчи йўқлигини маълум қилган.
Тасодифий хабарлар
Байден Хитойни огоҳлантирди
Покистонда Президент ва вазирлар маошидан воз кечди
My.gov.uz портали орқали шифокор қабулига ёзилиш йўлга қўйилди
Мирзиёев Қозоғистон халқи ва Президентига таъзия йўллади
Шавкат Мирзиёев: "Мен президент сифатида мухолифатга қарши эмасман"