Украина президенти Владимир Зеленский армиянинг Курск вилоятидаги мақсади “буфер зона яратиш” эканини айтди. Бу ҳақда у ўзининг Telegram каналида маълум қилди.
“Торецк яқинида Россия ҳарбий техникасини йўқ қилишда биз учун муҳим ва ижобий натижалар қўлга киритилди. Буларнинг барчаси Украинани ҳимоя қилишдан ҳам кўпроқ аҳамиятга эга — ҳозирда мудофаа ҳаракатларимизнинг асосий вазифаси Россиянинг жанг салоҳиятини иложи борича кўпроқ йўқ қилиш ва максимал даражада қарши ҳужумлар уюштиришдир. Хусусан, бу босқинчи давлат ҳудудида буфер зонасини яратишни ҳам ўз ичига олади. Курск вилоятидаги операциямиз ҳам шу мақсадга қаратилган”, деди Зеленский.
Шунингдек, у бош қўмондон Александр Сирскийнинг шарқдаги вазият, Курск вилоятидаги ҳаракатлар, асирларни айирбошлаш фонди ва бригадаларни тўлдириш масалалари бўйича ҳисоботини тинглаганини айтди.
“Ҳамкорларимиздан қурол етказиб бериш масаласида тезкорлик талаб этилмоқда. Урушда таътил йўқ. Қарорлар керак, эълон қилинган пакетларнинг ўз вақтидаги логистикаси зарур. Айниқса, ҳозир мен бу борада Қўшма Штатлар, Буюк Британия ва Францияга мурожаат қилмоқдаман”, дея қўшимча қилди сиёсатчи.
Тасодифий хабарлар
Шуҳрат Ғаниев Олий Мажлис Сенати аъзолигидан чиқарилди
Дунёда коронавирусдан вафот этганлар сони 969 301 нафарга етди
Наманганда ҳали туғилмаган фарзандини сотмоқчи бўлган аёл ушланди
Ўзбекистон электр энергияси энг арзон 10 давлат қаторига кирди
Олий суд таркибига ўзгартиришлар киритилди