Юртимизда 1 октябрдан нималар ўзгаради?

Адлия вазирлиги Ўзбекистон 1 октябрдан қонунчилигида нималар ўзгариши ҳақида маълумот тақдим этди. Унга кўра, 2022 йил 1 октябрдан:

- Касаначиларга ажратиладиган субсидия миқдори оширилади.

- Болалар учун мўлжалланган теле- ва радиомаҳсулотларни ишлаб чиқариш бўйича танлов эълон қилинади.

- Дастурий маҳсулотлар ишлаб чиқишга 1 миллиард сўмгача грант ажратилади.

- Айрим соҳаларда давлат космик мониторинги йўлга қўйилади.

- Қорақалпоғистондаги ёш тадбиркорларга 7 йилга қарз берилади.

- Кўп квартирали уй-жойларнинг зилзилабардошлиги текширилади.

- Болаларнинг қонуний вакиллари тўғрисидаги маълумотлар Пенсия жамғармасига электрон берилади.

- АКТ соҳасидаги ўқув курслари учун таълим кредити ажратилади.

- Мол-мулкка тақиқ қўйилганлиги тўғрисидаги электрон маълумотлар банки жорий этилади.

- “Саховат” ва “Мурувват” интернат уйлари тарбиячилари малака ошириш курсларида ўқитилади.

- “Инсофсиз ижрочиларнинг ягона реестри” юритилади.

- Кўзи ожиз болаларни мактабга тайёрлов гуруҳлари ташкил қилинади.

- Қуёш ва шамол электр станцияси ҳамда қуёш сув иситиш қурилмаларини 3 йил мобайнида фоизсиз бўлиб-бўлиб тўлаган ҳолда сотиб олиш имконияти яратилади.