16 май куни Нью-Йоркнинг Бруклин туманида жойлашган «Наврўз» озиқ-овқатлар дўконида икки эркак орасидаги жанжал оқибатида бир киши пичоқланган . Маҳаллий полиция маълумотига кўра, урилган пичоқ жабрланувчининг кўкрагига теккан.
У зудлик билан Маймонидис касалхонасига олиб кетилган ва кўп ўтмай оламдан ўтган. Можаро соат 14:00 атрофида рўй берган.
Маскан билан таниш ўзбекистонликларнинг айтишича, воқеадаги шахслар супермаркет ишчилари бўлган. Бири иккинчисини пичоқлаган, дейди жамоа вакиллари. Жабрланувчи супермаркетнинг гўшт сотадиган қисмида ишлаган.
Полициянинг тасдиқлашича, ҳужум қилганликда гумонланган 30 ёшли шахс воқеа жойида қўлга олинган. Ҳозирда тергов ишлари кетмоқда.
Хабарларга кўра, жанжаллашган шахсларнинг бири ўзбекистонлик, иккинчиси тожикистонлик ўзбек.
Тасодифий хабарлар
Паспортсиз хорижга чиқиши мумкин бўлган 3 кишининг кимлиги айтилди
Президент: «Мен ҳам Наманган боғларига дам олгани келай, 4-5 соат мажлис қилишга мажбур бўлмайлик»
Шавкат Мирзиёев битирувчиларга табрик йўллади
Damas таксилари ҳалқнинг корига яраган ва ярамоқда. Депутатлар Термиздаги тақиққа муносабат билдирди
Тошкентда «‘замминистр’нинг иккинчи хотини» жазога тортилди