Бундан уч йил аввал Қирғизистон Республикасининг қалбаки паспорти билан Умра сафарига борган икки Ўзбекистон фуқароси бу сафар ўзбекистонлик Умра зиёратчилари қаторида Саудия Арабистонига борганида, мамлакатдан депорт қилинди. Бу ҳақда Мусулмонлар идораси Матбуот хизмати хабар берди.
Қайд этилишича, жорий Умра мавсумида Мадина аэропортида икки нафар ўзбекистонлик зиёратчи Саудия Арабистони Чегара хавфсизлик хизмати томонидан тўхтатиб қолинган ва уларда мамлакатга киришга тақиқ борлиги аниқланган.
Улар 2019 йилда Қирғизистон Республикасининг қалбаки паспорти билан Умра сафарига борган. Саудия Арабистонидан чиқиш вақтида мезбон давлат қонунларини бузгани учун уларга нисбатан мамлакат чегара хавфсизлик хизмати томонидан ушбу давлатга кириш учун 10 йил муддатга тақиқ қўйилган. Шу боис, ушбу фуқаролар Саудия Арабистонига киритилмаган.
Хабарда таъкидланишича, уларни Ўзбекистонга қайтариш чоралари кўрилмоқда.
Аввалроқ, Мусулмонлар идораси раиси – муфтий Нуриддин домла Холиқназаров ҳозирги кунда дунё бўйича Умра зиёратига борувчиларнинг энг кўпини ўзбекистонлик зиёратчилар ташкил этаётганини айтиб, мамлакатда умрачилар сони 10 минг нафарга етганини таъкидлаган ҳамда яна борадиганлар бўлса, шунча ўрин яратилишини маълум қилган.
Эслатиб ўтамиз, икки йиллик танаффусдан сўнг “Умра – 2022” мавсуми жорий йилнинг 22 январь куни бошланганди.
Тасодифий хабарлар
Ўзбекистонда илк бор бир кунда мингдан ортиқ бемор коронавирусдан соғайди
Ўта хавфли жиноятчи Google Maps сабабли қўлга олинди
Арзон iPhone SE ва iPad Air. Apple навбатдаги тақдимотини ўтказди (фоторепортаж)
«Ўзбекнефтгаз» масъуллари 297 млн сўмлик қувур ва қора металларни талон-торож қилгани аниқланди
Тўқаев “январь воқеалари”нинг асл сабабини айтди