«Life» ёзишича, доғистонлик UFC чемпиони Ҳабиб Нурмагомедовнинг гонорари анча ошган.
Чемпионнинг отаси Адбулманноп Нурмагомедов Абу-Дабида Дастин Порьега қарши ўтказиладиган жангда Ҳабибнинг улуши қанча эканлигини маълум қилди. Агар бир йил аввал Конор Макгрегорга қарши жанг учун россиялик спортчи 2 миллион евро атрофида пул ишлаган бўлса, бу сафар у камида 6 миллион евро олади.
«Гонорар 3–3,5 баравар кўп бўлади. Майдалашиб ўтирмаймиз, ўз нархимизни биламиз. Икки миллион — биз учун камлик қилади, чунки ҳозир энг яхшиси бизмиз. Энг зўрларни енгдик, бундан кейин ҳам энг яхшилар билан жанг қилишга тайёрмиз. Биз номдорроқмиз — буни ҳамма билади. Залга кирганда кўрасиз: Порьени қандай қаршилашади-ю, Ҳабибни қандай кутиб олишади, — деди Абдулманноп Нурмагомедов ТАССга берган интервьюсида.
Ҳабиб жангга қизғин тайёрланяпти. У тарозига чиқиладиган жума кунига қадар ортиқча олти килограмм вазндан қутулиши шарт.
Эслатиб ўтамиз, UFC чемпионлиги учун Порье ва Нурмагомедов ўртасидаги жанг Абу-Даби (БАА)да 7 сентябрь куни бўлиб ўтади.
Тасодифий хабарлар
Абдулазиз Мансур Янги йилни кутиш ва нишонлаш ҳақидаги гапларни рад этди
Бугун 5 та ҳудуддан ташқари барча вилоятларда ёмғир ёғади. Айрим жойларда кучли бўлиши мумкин
Қадр кечасида нимани талаб қилиш керак?
Аёллар турли ижтимоий сайт ва каналлардаги шахсий профилларига ўз суратларини қўйса бўладими?
XV асрдан бери энг узоқ давом этган Ой тутилиши кузатилди (фото)