Жорий йил 6-7 декабрь кунлари Тошкент шаҳрида Афғонистон ҳудуди орқали ўтувчи «Термиз –Мозори-Шариф – Кобул – Пешовар» темир йўли линиясини лойиҳалаш ва қуриш бўйича транспорт вазирликлари раҳбарлари иштирокида уч томонлама (Ўзбекистон, Афғонистон, Покистон) ва кўп томонлама (Ўзбекистон, Россия, Қозоғистон, Афғонистон, Покистон) музокаралар бўлиб ўтди.
«Ўзбекистон темир йўллари» ахборот-таҳлилий медиа маркази хабарига кўра, томонлар қўшничилик алоқаларини мустаҳкамлаш, халқаро транспорт коммуникациялари ва савдо алоқаларининг минтақалараро ҳамкорлигини ривожлантириш, шунингдек, иқтисодиёт турли тармоқларида ҳамкорликни чуқурлаштиришда мазкур лойиҳанинг аҳамияти ҳақида таъкидлаб ўтди.
Йиғилиш якунида томонлар тез орада илгари сурилган темир йўл линиясини қуриш лойиҳасини жойига чиққан ҳолда ўрганиш, ишчи гуруҳлар йиғилишини доимий равишда ўтказиш ва дастлабки техник-иқтисодий асослар ишлаб чиқилгандан сўнг лойиҳага халқаро молия институтларини жалб қилиш бўйича келишиб олди.
Тасодифий хабарлар
Бокс бўйича Ўзбекистон чемпионатига қуръа ташланди
Наманган вилоят судида халқ маслаҳатчилари билан семинар машғулоти бўлиб ўтди
Россия ва Шимолий Корея ўртасидаги ҳарбий ҳамкорлик бутун дунёга таҳдид солмоқда – Блинкен
Раҳматуллоҳ қори Тошкент бош имом-хатиблигидан кетди
Ижтимоий тармоқдаги рекламадан солиқ тўланадими?