Вазирлар Маҳкамасининг 17.10.2023 йилдаги 547-сон қарори билан Ҳукуматнинг айрим ҳужжатларига ижтимоий аҳволи ва турмуш шароити оғир оилаларни қўллаб-қувватлаш тизимини соддалаштиришга қаратилган ўзгартириш ва қўшимчалар киритилди.
Ҳужжат «Темир дафтар»га киритилган ижтимоий аҳволи оғир оилаларнинг муаммоларини тизимли равишда тезкор ҳал этиш бўйича самарали чора-тадбирларни белгилаш зарурати муносабати билан қабул қилинди.
Хусусан, «Темир дафтар»ни юритиш орқали ижтимоий аҳволи ва турмуш шароити оғир оилалар муаммоларини тизимли равишда ҳал этиш ва уларни ижтимоий қўллаб-қувватлаш бўйича вақтинчалик тартиб (28.04.2021 йилдаги 250-сон ВМҚ билан тасдиқланган) қуйидаги билан тўлдирилмоқда:
- халқ депутатлари туман (шаҳар) Кенгашларининг сессиялари оралиғидаги даврда кечиктириб бўлмайдиган ҳолларда, зудлик билан ёрдам кўрсатиш зарурияти юзага келганда – «Темир дафтар»га киритилган оилаларга бир марталик моддий ёрдам бир иш кунида туман (шаҳар) ҳокимлари қарорлари билан берилади.
Ҳужжат Қонун ҳужжатлари маълумотлари миллий базасида эълон қилинган ва 20.10.2023 йилдан кучга кирди.
Тасодифий хабарлар
Келишилган хизмат ҳаққи ололмаган шахс эндиликда панжара ортидан жой олади
Ўзбекистон олган қарзларини нимага сарфлаган?
Жисмоний шахснинг мурожаатига қандай талаблар қўйилади?
“Навбаҳор” ҳамда “Нефтчи” клубидан легионерларга тақиқ олиб ташланмади
1 февралдан бензин нархи қанчага ошиши мумкинлиги айтилди