Бугун, 6 октябрь куни соат 6:20ларда Қамчиқ довонининг 199-километрида «Водий-Тошкент» йўналишида ҳаракатланган «Спарк» русумли автомобиль ҳайдовчиси бошқарувни йўқотиб, йўл ўртасидаги темир тўсиққа урилган.
Фавқулодда вазиятлар вазирлиги хабарига кўра, «Спарк» ортидан келаётган «Жентра», «Кобальт» ва «Жентра» русумли автоуловлар ҳам йўл-транспорт ҳодисасига учраган.
«Қамчиқ» МҚЁҚБ қутқарувчилари, тез тиббий ёрдам, йўл-патруль хизмати, «Қамчиқавтойўл» ихтисослашган йўллардан фойдаланиш унитар корхонаси ходимлари воқеа жойига етиб борган. Қутқарувчилар жароҳат олган фуқароларни автомашиналар ичидан чиқариб олишган.
«Спарк» автомобили салонида ҳайдовчи ва бир нафар йўловчи бўлиб, йўловчи тан жароҳати олган, шунингдек, «Кобальт» автоулови ҳайдовчиси ўнг қўл синиши билан Ангрен шаҳар марказий шифохонасига юборилган. Қолган автоуловдаги йўловчи ва ҳайдовчилар енгил тан жароҳати олгани сабабли уларга шу жойнинг ўзида биринчи тиббий ёрдам кўрсатилган.
Автомобиль ҳайдовчилари ноқулай об-ҳаво шароитини (тунда Қамчиқ довонида қор ёғган) инобатга олмай, тезликни ошириб ҳайдаши оқибатида ушбу йўл-транспорт ҳодисаси юз берган.
Тасодифий хабарлар
Фарғонада камералар ниқобсиз юрган неча кишини жаримага тортди?
«Ўзгидромет» шошилинч огоҳлантириш эълон қилди
Наманганда икки эркакни дўппослаган қиз ёдингиздами? У таэквондо бўйича Ўзбекистон чемпионига айланди
Шавкат Мирзиёев: Ушбу мамлакат кун сайин оғир гуманитар инқирозга кириб бормоқда
Шавкат Мирзиёев Шаҳидлар хотираси хиёбонида: Уларнинг айби - буюк бўлгани