Муборакда ўзини прокуратура ходими деб таништириб, одамларни чув туширган собиқ ИИБ ходими ва унинг шериги қўлга олинди.
Жорий йилнинг 28-29 сентябрь кунлари ДХХ Муборак шаҳар бўлинмаси ва департамент Муборак туман бўлими, ДХХ Қашқадарё вилоят бошқармаси ва Муборак тумани прокуратураси билан ҳамкорликда тезкор тадбир ўтказилган.
«Nasafnews» манбасининг хабар беришича, тезкор тадбирда ўзини прокуратура ходими деб таништириб юрган 41 ёшли аввал судланган собиқ Ички ишлар бўлими ходими К.Ж. ва 35 ёшли Муборак туманида яшовчи Э.З.лар ушланган.
Улар 1991 йилда туғилган фуқаро О.Ж.ни «Eriell» компаниясига ишга киритиб қўйишини айтиб, алдов йўли билан 3000 АҚШ доллари талаб қилган. Фирибгарлар 1000 АҚШ доллари олаётган вақтида ашёвий далиллар билан қўлга олинди.
Шунингдек, олиб борилган суриштирувлар давомида К.Ж. ва Э.Л.лар ишга киритиб қўйишини айтиб алдов йули билан Муборак туманида яшовчи фукаролар С.Н.дан 1000 АКШ доллари, Ю.С.дан 1000 АКШ доллари ва А.У.дан 10 000 000 сўм қийматидаги пул маблағларини олганлиги аниқланди.
Ҳозирда ушбу шахсларга нисбатан Ўзбекистон Республикаси ЖКнинг 168 ва 211-моддалари билан Жиноят иши қўзғатилиб, тергов ҳаракатлари олиб борилмоқда.
Тасодифий хабарлар
Косонсойда ўқитувчилар бетон қуйишда ишлатилгани тасдиқланди. Туман ҳокими бу ҳолат ОАВда чиқишини «пашшадан фил ясаш» деб атаганди
«Бинодан чиқиб кетинг!» – Президент Администрацияси раҳбари ўтказган мажлиснинг аудиоси тарқалди
Фронтдаги вазият: Украина урушнинг асосий техникаси — дронлар бобида ютқаза бошлади
UzAutoMotors Cobalt автомобили сотувини қачондан бошлаши мумкинлиги айтилди
2024 йил 1 январдан "счётчикларсиз" ер ости сув олиш иншоотларидан фойдаланиш тақиқланади