Наманган вилояти Уйчи туманида 21 август куни 20 ёшли йигит ва 24 ёшли аёл хонадонга ўғриликка тушди. Бу ҳақда вилоят Ички ишлар бошқармаси ахборот хизмати хабар берди.
Қайд этилишича, 25 август куни Уйчи туманида яшовчи 1978 йилда туғилган аёл ариза билан мурожаат қилиб, 21 август кунига ўтар кечаси яшаш уйида ҳеч ким йўқлигидан фойдаланган номаълум шахс ҳовлисига очиқ қолган дарвоза орқали кирганини маълум қилган.
Таъкидланишича, хонада бўлган нархи 2 миллион 400 минг сўмлик телевизор, 140 минг сўмлик 1 дона қўл соати ҳамда 3 миллион сўмлик ҳар хил турдаги аёллар материаллари ўғирлаб кетилган.
Олиб борилган тезкор-қидирув ва суриштирув ҳаракатлари натижасида ушбу жиноятни Уйчи туманида яшовчи 2001 йилда туғилган йигит ва шу туманда яшовчи 1997 йилда туғилган аёл содир этгани аниқланган.
Ушбу ҳолат бўйича Уйчи туман ички ишлар бўлими ҳузуридаги тергов бўлими томонидан 1 сентбярь куни Жиноят кодексининг 169-моддаси (Ўғрилик) 2-қисми билан жиноят иши қўзғатилган.
Тасодифий хабарлар
UzAuto Motors имтиёзлар ортидан катта фойда кўрди
Наманганда мутахассис янгича фирибгарликка қўл урди
Президент шу ҳафта коррупцияга қарши кураш масаласи бўйича видеоселектор ўтказади
Наманган вилояти ҳокимининг “зами” Уйчи тумани ҳокими этиб тайинланди
“Ислом давлати”нинг янги раҳбари маълум бўлди