«Мақсадим газни сотмай, халқ манфаатлари учун ишлатиш» – Шавкат Мирзиёев

29 июль куни ОКМК қошидаги 3-бойитиш фабрикаси қурилишига тамал тошини қўйишга бағишланган тадбирда нутқ сўзлаган президент Шавкат Мирзиёев Ўзбекистоннинг газ экспорти ҳақида ҳам тўхталиб ўтди.

“Бир вақтлар Ўзбекистон экспорти асосан олтин, газ ва пахта ҳисобидан бўларди. Ҳозир газнинг фақат 20 фоизинигина экспорт қиляпмиз. Савол туғилиши мумкин, газ қаерга кетяпти? Газимизни ўзимизнинг саноатимизга йўналтиряпмиз, иш ўринлари яратяпмиз.

Менинг мақсадим умуман газни четга сотмаслик, саноатга йўналтириш, халқимиз манфаатлари учун ишлатиш”, – деди президент.