Наманганлик эркак Японияга ишлашга бормоқчи бўлди, аммо...

Чортоқ туманида истиқомат қилувчи Вали Алиев (исм-шарифи ўзгартирилди) 2019 йил ноябрь ойида К.Ж.нинг ёлғонларига лаққа тушади.

У Валига Япония давлатига ишга юборишини ваъда бериб, ундан 3400 АҚШ доллари олади. Орадан кунлар, ойлар, йиллар ўтса ҳамки, на пулдан, на Япониядан дарак бўлади. Кейинчалик аниқ бўлишича, К.Ж. пулларни ўзининг шахсий эҳтиёжлари учун ишлатиб юборганлигини маълум бўлади.

Жабрланувчининг аризасига биноан, зудлик билан ишга киришган осойишталик посбонларининг саъй-ҳаракатлари натижасида жиноятчи дарҳол қўлга олиниб, қонун ҳукмига ҳавола этилди.

Ҳозирда қилмишидан қаттиқ пушаймон бўлаётган бу кимса, албатта, айбига яраша жазо олади.