28 апрель куни соат 02:30 ларда 20 ёшли Н. Тоҳир ва 18 ёшли К. Диёр пойтахтнинг Миробод туманида 21 ёшли А. Дониёрнинг бошқарувидаги «Matiz»га йўловчи сифатида ўтиришади.
Тергов департаменти хабарига кўра, Қибрай тумани Салар шаҳарчасига етиб келганларида, ҳайдовчидан автомашинани тўхтатишни сўраб, уни пичоқ тиқиб ўлдириш билан қўрқитади. Кейин унинг ёнидаги 3 млн сўмни босқинчилик йўли билан олиб, ҳодиса жойидан яширинган.
Кейинроқ, улардан жами 1,4 млн сўм ашёвий далил тариқасида расмийлаштирилиб олинган.
Ҳолат юзасидан Қибрай тумани ИИБ ҳузуридаги Тергов бўлими томонидан Н. Тоҳир ва К. Диёрларга нисбатан Жиноят кодексининг 164-моддаси 2-қисми «б» банди (босқинчилик) билан жиноят иши қўзғатилиб, процессуал тартибда ушланган. Ҳозирда тергов ҳаракатлари олиб борилмоқда.
Ушбу турдаги жиноятлар учун қонунчиликда 8 йилдан 10 йилгача озодликдан маҳрум қилиш жазоси белгиланган.
Тасодифий хабарлар
Шавкат Мирзиёевнинг Ўзбекистон халқига Янги йил табриги (тўлиқ)
Ўзбекистонда масжидлар босқичма-босқич фаолият бошлайди
Хушхабар! Тошкентда яна 10 нафар бемор коронавирусдан бутунлай соғайди
Колонияда бир маҳкум иккинчисини чув туширди
Ҳоким Наманганда тадбиркорликка тўсиқ бўлаётган муаммоларни тан олди