Рамзан Қодиров чечен “спецназ”ининг Украинадаги ҳаракати ҳақида маълумот берди

Россия Миллий гвардиясининг Чеченистон Республикаси бўйича махсус бўлинмалари Украина ҳудудига чуқур кириб борди ва қаршиликларга учрамаяпти. Бу ҳақда Чеченистон Республикаси раҳбари Рамзан Қодиров ўзининг ижтимоий тармоқдаги саҳифасида маълум қилди.

“Россия Миллий гвардиясининг Чеченистон Республикасидаги махсус кучлари Украина ҳудудига янада чуқурроқ кириб борди ва Росгвардиянинг Чеченистон бўйича бўлинмаси “Ахмат-Грозний” ОМОН қўмондони Анзор Бисаевнинг айтишича, қаттиқ қаршиликларига дуч келишмаяпти”, деб ёзган Қодиров.

Қодировнинг қўшимча қилишича, жангчилар Олий Бош Қўмондон буйруғи ижроси юзасидан мунтазам равишда видеорепортажлар жўнатиб туради.