3 февраль куни Тошкент вақти билан соат 03:03 Наманган вилояти ҳудудида зилзила қайд этилди. ФВВ Сейсмопрогностик мониторинг Республика марказининг маълум қилишича, зилзила эпимаркази Чортоқ туманида жойлашган.
Хабар берилишича, зилзила эпицентри Тошкент шаҳридан 215 километр жануби-шарқий йўналишдаги масофада жойлашган бўлиб, ўчоғи 10 километр чуқурликда, магнитудаси 3,2 баллга тенг бўлган.
Ерости силкинишлари кучи Наманган вилоятида 4 баллни ташкил этган.
Эслатиб ўтамиз, 29 январь куни Қирғизистонда содир бўлган зилзила кучи Наманганда сезилганди, 17 январь куни Ўзбекистоннинг қатор вилоятларида унча кучли бўлмаган ерости силкинишлари қайд этилган, шунингдек, 11 январь куни Фарғона водийси вилоятларида зилзила сезилгани, 1 январь куни Тошкент шаҳрида 3 баллик зилзила қайд этилгани, 22 январда Қирғизистонда содир бўлган зилзила кучи Фарғона ва Андижон вилоятларида сезилгани, 26 декабрь куни эса Ўзбекистоннинг аксарият шаҳарлари бўйлаб давомли ерости силкинишлари юз бергани маълум қилинган эди.
Тасодифий хабарлар
Andijondan xabarlar: shaharga muvaqqat hokim tayinlandi
Жо Байден саёҳат чекловларини бекор қилди
Олимлар: одамзод катта ҳалокат бўсағасида
Қозоғистон газеталарида Шавкат Мирзиёевнинг катта интервьюси чоп этилди
В Узбекистане продлили зимние каникулы для студентов