Тошкент вилоятида беш нафар номаълум шахс юриб кетаётган тепловоздан кўмир ўғирламоқчи бўлди. Бу ҳақда “Ўзбекистон темир йўллари” АЖ расмий канали хабар берди.
Қайд этилишича, 17 ноябрь куни Олмалиқ кон металлургия комбинатининг Ангрен шаҳридаги филиалига тегишли кўмир ортилган 50 вагонли юк поездидан тўрт вагонни узиб қолдириш учун “Облиқ” темир йўл бекатида тўхтатилган. Узиб қолинган вагонлар белгиланган манзилга олиб бориш учун тепловозга уланган. Юк поезди ҳаракатланган вақтда 5 нафар номаълум шахс вагонга осилиб, кўмир маҳсулотини талон-торож қилишга уринган.
Vазкур ҳолатни кўрган ва шу ерда хизмат олиб бораётган Оҳангарон ўқчилик командаси ўқчиси вагонга чиққан номаълум шахсларни ушлаш мақсадида тепловозни тўхтатган. Тепловоз тўхтаган вақтда ушбу номаълум шахслар ҳар томонга қочиб кетишган.
Ҳозирда мазкур номаълум шахсларни аниқлаш, келгусида уларнинг ушбу ноқонуний ҳаракатига қонуний баҳо бериш юзасидан тезкор суриштирув тадбирлари олиб борилмоқда.
Тасодифий хабарлар
Йўқотилган Александрия асли қаерда — Афғонистон ёки Ўзбекистонда?
Тошкент шаҳрида экспресс автобус йўналиши ташкил этилади
Таиландда эркак 5 кишини отиб ташлади
Ўзбекистонда илк бор нотариал ҳаракат онлайн равишда амалга оширилди
Ҳокимларнинг айрим функция ва ваколатлари бекор қилинди