Туркманистон Президенти Гурбангули Бердимуҳамедов билан телефон орқали мулоқот тўғрисида
Ўзбекистон Президенти Шавкат Мирзиёев 24 июль куни Туркманистон Президенти Гурбангули Бердимуҳамедов билан телефон орқали мулоқот қилди - бу ҳақида Президент матбуот хизмати хабар қилди (https://president.uz/uz/2756).
Суҳбат аввалида Гурбангули Бердимуҳамедов давлатимиз раҳбарини таваллуд куни билан самимий табриклаб, кўп миллатли Ўзбекистон халқига равнақ ва фаровонлик тилади.
Давлат раҳбарлари қардош мамлакатларимиз ўртасидаги стратегик шериклик ва кўп қиррали ҳамкорлик муносабатлари изчил мустаҳкамланиб бораётганини катта мамнуният билан қайд этдилар.
Икки томонлама муносабатлар, халқаро ва минтақавий сиёсатга доир долзарб масалалар юзасидан фикр алмашилди.
Президентимиз Туркманистон раҳбарига самимий табрик учун миннатдорлик билдириб, жорий йил август ойининг бошида "Аваза" миллий туризм зонасида бўлиб ўтадиган биринчи Каспий иқтисодий форумини ўтказишда муваффақият тилади.
Тасодифий хабарлар
Газ экспорти 78 фоизга камайди
Қўпол муомалада бўлманг: Тошкент шаҳар ИИББ ходимлари огоҳлантирилди
NASA Ерга яқинлашаётган катта астероид ҳақида огоҳлантирди
ЁШЛАР БИЛАН ЮЗМА-ЮЗ
МДҲ раислиги Ўзбекистонга ўтади