Наманган вилояти ҳокими ўринбосари Вазирлар Маҳкамасида котибият мудири бўлди

Ҳукумат қарори асосида Аюбхон Арибджанович Камалов Ўзбекистон Республикаси Вазирлар Маҳкамаси Макроиқтисодий таҳлил, таркибий ўзгартиришлар, молия-банк тизими, давлат активларини бошқариш, рақобатни ривожлантириш, тадбиркорликни қўллаб-қувватлаш ва камбағалликни қисқартириш масалалари котибиятининг мудири этиб тайинланди.

Бунгача Аюбхон Арибджанович Камалов Наманган вилояти ҳокимининг иқтисодиёт ва тадбиркорлик масалалари бўйича биринчи ўринбосари бўлиб ишлаган.