Ана холос! Эбола касаллиги яна тарқалмоқда

Конго Демократик Республикаси 2018 йили тугаганлиги айтилган эбола вируси яна тарқалаётганлигини эълон қилди. Бу ҳақда "sof.uz" ёзмоқда.

Мамлакат Соғлиқни сақлаш вазирлиги эълон қилган маълумотларга кўра Бени вилоятида охирги бир ҳафта ичида 6 нафар инсон эбола билан касалланганлиги аниқланди.

Вазирлик касалликни жиловлаш учун Жаҳон Соғлиқни сақлаш ташкилоти билан ҳамкорликда ишлашини айтиб ўтган.

Маълумот учун, эбола вируси 2013 йил декабрь ойида ғарбий Африкада тарқалган. Касаллик 30 минг инсонга юққан, улардан 11 минг нафари вафот этган эди.