"Мелиса"ни очиқча таҳқирлаган фуқаро 10 ойга қамалди

Ички ишлар ходимини очиқча ҳақоратлаган фуқаро Мироншоҳ Ёдгоров 10 ой муддатга озодликдан маҳрум этилган.

Воқеа 7 август куни туш пайтида Бухоро шаҳрининг “Марказий бозор” чорраҳасида бўлган. Сафдор З.Жўраев гавжум чорраҳада йўл белгисига амал қилмасдан ҳаракатланган «Нексия» автомашинани тўхтатиб, содир этилган ҳуқуқбузарлик маъмурий жавобгарликка сабаб бўлишини билдирган. Ҳайдовчи ходимнинг қонуний талабини бажармасдан, ўзига тегишли бўлган ҳужжатларни тортиб олиб, машинасини ҳайдаб кетиб қолган. Орадан 5 дақиқа ўтгач, қайтиб келиб, куч ишлатиб, ходимни қўлидан тортиб, йўлнинг нариги томонига олиб ўтган (суратда).