Ронаду “Ал-Наср” билан Саудия чемпиони бўлди

Кеча, 21 май куни “Ал-Наср” Саудия Арабистони Про Лигасинининг 34-турида “Дамак”ни мағлуб этиб, мамлакат чемпионига айланди.

Ар-Риёдда бўлиб ўтган учрашув 4:1 ҳисобида якунланди. Ғалабага Криштиану Роналдунинг дубли (62, 80-дақиқалар) катта ҳисса қўшди.

Шунингдек, Садио Мане (34) ва Кингсли Коман (52) ҳам гол урди. Меҳмонлар сафида эса Морлай Силла 57-дақиқада пенальтидан аниқ зарба йўллади.

41 ёшли Роналду бу мавсум чемпионатда 28 та гол уриб, жамоасининг энг яхши тўпурарига айланди. У иккинчи ўринни эгаллаган ватандоши Жоау Феликсдан саккизта голга ўзиб кетди. Шунингдек, португалиялик юлдуз лигада “Ал-Аҳли” сафида 32 та гол урган Иван Тоунидан кейин тўпурарлар жадвалида иккинчи ўринни қайд этди.

“Ал-Наср” Роналду 2023 йил январь ойида клубга қўшилганидан буён илк бор мамлакат чемпионлигини қўлга киритди.

Бу португалиялик футболчининг клуб сафидаги иккинчи соврини бўлди. У бунгача 2023 йил август ойида Араб чемпионлари кубогини ютиб олган эди.

Маълумот учун, Роналдунинг “Ан-Наср”га келгунига қадарги сўнгги соврини 2021 йил май ойида “Ювентус” билан қўлга киритилган Италия Кубоги бўлган.