Трампнинг касали авж олгани айтилди

АҚШ Президенти Дональд Трампнинг қўлида кўкаришлар пайдо бўлган ва Оқ уй раҳбари бунинг ортидан қўлига крем суркаб олган. Бу ҳақда “The Daily Beast” хабар берди.

Нашрнинг ёзишича, суратида Трамп қўлининг кўкарган жойи кўринмаган, бироқ Президентнинг қўли қалин крем ​​қатлами билан қопланган. 79 ёшли давлат раҳбари яна ўз лавозимига киришганидан бери у бир неча бор ўнг қўлидаги кўкаришларни косметика воситаси билан яширишга мажбур бўлмоқда.

Расмий Вашингтон аввалроқ Президентнинг қўлидаги кўкаришни тез-тез қўл сиқишлари билан боғлаган эди. Апрель ойида Трампнинг шифокори йиллик тиббий кўрик натижаларини эълон қилди, унга кўра Трампнинг “когнитив ва жисмоний саломатлиги аъло даражада”.

Июль ойида Президент маъмурияти Трампга сурункали веноз етишмовчилик ташхиси қўйилгани, бироқ унинг “саломатлиги аъло даражада” эканини айтганди.

“Баҳорда доктор Шон Барбабелла ўзининг йиллик жисмоний имтиҳон натижаларини эълон қилиб, Трампнинг “жисмоний ва когнитив саломатлиги аъло даражада” эканини айтди. Аммо сўнгги ойларда Президентнинг суратлари ва омма олдида чиқишлари унинг соғлиғи жойида экани ҳақида мунтазам саволлар туғдирмоқда”, деб ёзади нашр.

Оқ уй матбуот котиби Кэролайн Левиттнинг сўзларига кўра, АҚШ Президенти яқинда олинган фотосуратларда тўпиқлари шишган ва қўли кўкарганини кўрсатгач, тиббий кўрикдан ўтказилган.

“Оёғининг шишиши веноз касаллиги билан боғлиқ бўлиб, шикастланган клапанлар қоннинг оёқлардан юракка қайтишига йўл қўймаса пайдо бўлади. Бундай ҳолат ҳозирда кенг тарқалган, айниқса 70 ёшдан ошган одамларда”, дея тушунтирган матбуот котиби.