“Абдуллоҳ” номи билан танилган блогер Югай Валерий 3 йил 1 ой муддатга озодликдан маҳрум қилинди. Бу ҳақда Олий суд матбуот котиби Азиз Обидов маълум қилди.
Қайд этилишича, 1999 йилда Тошкент вилоятида туғилган блогер жиноят ишлари бўйича Нурафшон шаҳар судининг ҳукми билан Жиноят кодексининг 156-моддаси (миллий, ирқий, этник ёки диний адоват қўзғатиш) 2-қисми ва 158-моддаси (Ўзбекистон Республикаси Президентига тажовуз қилиш) 3-қисмида назарда тутилган жиноятларни содир этганликда айбли деб топилиб, унга 3 йил 1 ой муддатга озодликдан маҳрум қилиш жазоси тайинланган. Тайинланган жазони манзил-колонияларда ўташи белгиланган.
Билдирилишича, биринчи инстанция судининг ҳукми устидан тарафлар қонунда белгиланган тартиб ва муддатда Тошкент вилоят судининг жиноят ишлари бўйича судлов ҳайъатига апелляция ёки кассация тартибида шикоят бериш ва протест келтиришга ҳақли.
Тасодифий хабарлар
Адлия бошқармаси "Чорсу" бозори сотувчилари "Навбаҳор" учун ҳомийликка мажбурланаётгани ҳақида иддаолар юзасидан ўрганиш ўтказди
Оғзида 951 грамм олтин яшириб ўтаётган икки ўзбекистонлик ушланди
Ўзбекистонда ҳар минг оиладан 175 таси ажрашади
Наманганда ўқитувчиларга мажбуран чипта сотган ММТБ ходимига “ҳайфсан” интизомий жазо чораси қўлланилди
Россия Хавфсизлик хизмати Доғистонда режалаштирилган портлашнинг олдини олди