“Олтин тўп” соҳибининг уйига ўғри тушди

Европа футбол ассоциациясининг собиқ (UEFA) президенти Мишель Платинининг Франциядаги уйига ўғри тушди. Бу ҳақда RTL телеканали хабар берди.

Ҳодиса кеча, 18 июль куни эрталаб соат 5:30 атрофида юз берган. 70 ёшли Платини ўзининг Марсель шаҳри яқинидаги қароргоҳида боғ томондан келган шовқинни эшитиб, ташқарига чиққан. У ерда қора кийим кийган нотаниш кишини кўриб қолган. Жиноятчи тезда воқеа жойидан қочиб кетган.

Платини уйига қайтиб кирганида, уй эшигини бузиб киришгани ва ўғрилик аломатларини пайқаган. Аниқланишича, номаълум шахс тахминан 20 та медаль ва кубокни олиб кетган. Зарар миқдори ҳали ҳисобланмаган. Платинининг ўзи тан жароҳати олмаган.

Марсель полицияси воқеа юзасидан терговни бошлаб юборган.

Маълумот учун, 1984 йилги Европа чемпиони, уч карра “Олтин тўп” совриндори Платини 2007–2015 йилларда UEFA раҳбари лавозимини эгаллаган. 2015 йилнинг кузида у коррупция билан боғлиқ можаро туфайли саккиз йилга футбол фаолиятидан четлатилган, бироқ кейин бу муддат тўрт йилгача қисқартирилган ва у 2019 йил октябрида футболдаги фаолиятига қайтиш ҳуқуқига эга бўлган.