5 карра “Олтин тўп” соҳиби Криштиану Роналду фаолиятини Европадан ташқарида давом эттиргач, қанча ишлаб топгани маълум бўлди.
Маълумотларга кўра, 40 ёшли ҳужумчи “Ан Наср”да йилига 177 млн, ҳафтасига 3 403 846 фунт маош олади. Бунча сумма билан Роналду энг кўп маош оладиган спортчига айланган. Футболчи Риёд клубида 107 ўйинда 97 гол урди ва унинг трансферидан кейин кўплаб юлдузлар Саудия лигасига келди.
Қайд этилишича, 2023 йил 1 январда имзоланган шартнома бўйича Криштиану ҳозиргача 411 млн фунт ишлади: 354 млн фунт аввалги икки йил учун ва 2025 йилда 57 млн фунт.
“Forbes” хабарига кўра, португалиялик юлдуз 2024 йилда майдонда 200 млн доллар ва унинг ташқарисида 60 млн доллар (“Nike”, “Binance”, “Herbalife”, “Eraku”, “Whoop” ва бошқалардан компаниялар билан ҳамкорликдан) ишлаб топган.
Шунингдек, Криштиану YouTube'дан ҳам даромад кўрмоқда. Унинг “UR – Cristiano” каналида 75 миллион обуначи бор ва кўришлар сони 840 миллиондан ўтган.
Роналдунинг “Ал-Наср” билан шартномаси 30 июнда тугайди ва аввалроқ клуб у билан шартномани узайтирмоқчимаслигини маълум қилган.
Тасодифий хабарлар
Андижонда 18 ёшли хавфли рецидивист қўлга олинди
Эшак гўштидан шашлик тайёрлаганлар қўлга олинди
«Наманганлик мухлислар бундай раҳбариятга муносиб эмас»
САЛКАМ 700 МИЛЛИАРД СЎМГА ЯҚИН ҚҚС КОРХОНАЛАРГА ҚАЙТАРИЛДИ
“Мактабда волейбол ва баскетбол майдончаларини қуришни режалаштирган, аммо экин экиб боғ қилишмоқда”