Қирғизистон президенти Садир Жапаров Президенти Шавкат Мирзиёевнинг таклифига биноан 18-19 июл кунлари давлат ташрифи билан Ўзбекистонда бўлади.
Бу ҳақда Қирғизистон президенти Администрацияси ташқи сиёсат бўлими мудири Муратбек Азимбакиев маълум қилди.
«Ташриф доирасида президент Садир Жапаров Ўзбекистон Президенти Шавкат Мирзиёев билан икки томонлама музокаралар ўтказади.
Томонлар ўзаро манфаатли барча йўналишлар бўйича икки томонлама ҳамкорликнинг долзарб масалаларини, шунингдек, Қирғизистон-Ўзбекистон муносабатларини ривожлантириш истиқболларини муҳокама қилади», – деди Муратбек Азимбакиев.
Ташриф доирасида, шунингдек, Садир Жапаров Қирғизистоннинг Ўзбекистондаги маданият кунлари расмий очилиш маросимида иштирок этади. Шу билан бирга, Қирғизистон ва Ўзбекистон давлат раҳбарлари иштирокида амалга оширилаётган икки томонлама лойиҳаларнинг очилиш маросими бўлиб ўтади.
Қолаверса, ушбу ташриф билан боғлиқ Қирғизистон-Ўзбекистон бизнес-форуми, Қирғизистон Республикаси ва Ўзбекистон Республикаси олий таълим муассасалари ректорлари форуми каби қатор тадбирлар ўтказилади.
Тасодифий хабарлар
Ўзбекистон инсонпарварлик ёрдами сифатида Қирғизистонга ҳарбий вертолёт берди
ДХХ ва ИИБ томонидан Жиззахда бир гуруҳ “жиҳодчилар” ушланди
Наманган туманида ишсизларга тўланиши лозим бўлган 216,2 миллион сўм бюджет маблағлари талон-тарож қилинган
Наманганда ЙПХ инспектори қўлга тушди
Шавкат Мирзиёев: "Мен президент сифатида мухолифатга қарши эмасман"