Зеленскийнинг таъкидлашича, у АҚШ ва Европа қарши ҳужумни аввалроқ бошлашни таклиф қилган

Украина президенти Владимир Зеленский АҚШ вакиллари ва Европа давлатлари раҳбарлари билан суҳбатда у қарши ҳужумни аввалроқ бошлаш тарафдори бўлганини ва бунинг учун қурол олишга уринганини даъво қилмоқда.

Бу ҳақда у CNN телеканалига берган интервьюсида гапирди.

"Мен қарши ҳужумимиз анча эрта бошланишини хоҳлардим", деди Украина президенти.

Шу билан бирга, у Украина Қуролли кучлари бугунги кунда артиллерия тақчиллигини бошдан кечираётганини таъкидлади.

Зеленский, шунингдек, қўшимча қуроллар, хусусан, ATACMS ракеталарини олиш Киевга “ҳозир ўйлаб бўлмайдиган йўналишларда қарши ҳужумни бошлаш” имконини беришини айтди.