Наманган мухандислик қурилиш институтининг 3 курс талабаси оралиқ назоратни топширмагани учун отасидан танбеҳ эшитгани сабаб, ўзига ўт қўйиб, ёқиб юборди. Танаси чуқур куйиб кетгани туфайли шифохонада вафот этди. Ҳозирда ҳолат бўйича «ўзини ўзи ўлдиришга ундаш» моддаси билан жиноят иши қўзғатилди.
10 февраль куни Наманган мухандислик қурилиш институтининг 21 ёшли 3-босқич талабаси ўзига ўт қўйиб, кучли куйиш сабабли шифохонада вафот этди.
Маълум бўлишича, фарғоналик талаба 5 та фандан оралиқ имтихонларни топшира олмаганлиги сабабли, қайта топширишга қолиб кетган. Гуруҳ рахбари талабанинг отасига қўнғироқ қилиб, уни бу ҳақда огоҳлантирган. Ўз навбатда ота ўғлига телефон орқали танбеҳ берган.
Талаба отаси берган танбеҳига зарда қилиб, руҳий тушкунликка тушиб, Янгиқўрғон туманидаги «Нурафшон» маҳалласининг дала-адирлик майдонига ўзи билан биргаликда бензин ёнилғисини олиб келиб, устидан қуйиб, ўзини ёқиб, жонига суиқасд қилган.
Унинг жарохат олганини кўриб қолган фуқаролар ёрдам кўрсатиб, шифохонага олиб келган.
Тиббий маълумотга кўра, унинг баданида, алангадан танасининг 50% қисмида чуқур куйиш жарохатлари мавжудлиги кўрсатилган.
Шифокорлар томонидан кўрсатилган тез-тиббий муолажаларга қарамасдан у 13 февраль куни шифохонада вафот этган. Шу куни Янгиқўрғон туман прокуратураси ҳолат юзасидан ЖКнинг 103-моддаси 1-қисми (ўзини ўзи ўлдиришга ундаш, агар шахс ўзини ўзи ўлдирган ёки ўзини ўзи ўлдиришга суиқасд қилган бўлса, 2−5 йилгача озодликни чеклаш ёхуд беш йилгача озодликдан маҳрум қилиш билан жазоланади) билан жиноят иши қўзғатди. Тергов ҳаракатлари олиб борилмоқда.
Тасодифий хабарлар
Наманганда ЙТҲ: Ўқувчи уч аёлни уриб улардан бирини ҳаётига зомин бўлди
Фарғонада бир қатор ҳоким ва раҳбарлар ишдан олинди
«Нима учун йўқ газга пул тўлаяпмиз?» Маҳалладаги «заправка» сабаб аҳоли хонадонларида газ босими тушиб кетмоқда
Машиналарни сотиш қоидаларига ўзгартириш киритилди
Президент Намангандаги Меҳрибонлик уйига ташрифи чоғида кўтариб бағрига босган қизалоқ оиласига қайтди (видео)